|
Who's Online
We have 5 guests online
Foundation for Education and Development (Formerly Grassroots HRE) သည် ထိုင်းနိုင်ငံရှိ မြန်မာပြည်သူများ အတွက် ပညာရေး၊ လူ့အခွင့်ရေးနှင့် လုံခြုံ စိတ်ချစွာ အလုပ်လုပ် ကိုင်ရသည့် အခြေ အနေများ ဖွံ့ဖြိုး မြင့်မားရေးအတွက် လုပ်ကိုင် နေသည် ။ ကျနော်တို့ စီမံကိန်းသည် လောလော ဆည်ဆည်၌ ထိုင်းနိုင်ငံ တောင်ပိုင်း ဆူနာမီ ဒဏ်ခံရသည့် ဒေသရှိ မြန်မာ ပြည်သူများ၏ လူမှုဖူ လုံရေးနှင့် ဖွံ့ဖြိုးရေးကို အလေးထား ဆောင်ရွက် နေသည်။ ဤ ရည်မှန်းချက်များ အောင်မြင်ရန် ကျနော်တို့သည် ဒေသဆိုင်ရာ အဖွဲ့ အစည်းများနှင့်၎င်း နိုင်ငံတကာ အဖွဲ့အစည်းများနှင့်၎င်း ပူးပေါင်း ဆောင်ရွက် နေပါသည်။
|
|
ကျားလက်တွင်းမှသည် မိကျောင်းဆီသို့ ဟု အမည်ရသည့် အစီရင်ခံစာထုတ်ပြန် |
 |
 |
 |
|
Tuesday, 23 February 2010 10:32 |
|
လူ့အခွင့်အရေး စောင့်ကြည့် လေ့လာရေးအဖွဲ့မှ “ကျားလက်တွင်းမှသည် မိကျောင်းဆီသို့” ဟု အမည်ရသည့် ထိုင်းနိုင်ငံတွင် အလုပ်လုပ်ကိုင်နေကြသည့် ရွှေ့ပြောင်းအလုပ်သမားများ၏ လူ့အခွင့်အရေး ချိုးဖေါက်ခံရမှု အခြေ အနေများကို ထင်ဟပ်စေသည့် အစီရင်ခံစာကို ယနေ့ ထုတ်ပြန်လိုက်သည်။
အဆိုပါ အစီရင်ခံစာကို ယနေ့နံနက် (၁၀) နာရီက ထိုင်းနိုင်ငံ၊ ဘန်ကောက်မြို့ရှိ နိုင်ငံခြားသား သတင်းထောက်များ အသင်း၌ သတင်းစာရှင်းလင်းပွဲ ပြုလုပ်၍ ထုတ်ဝေခဲ့ခြင်းဖြစ်သည်။
သတင်းစာရှင်းလင်းပွဲတွင် ရွှေ့ပြောင်း အလုပ်သမားများအရေး ဆောင်ရွက်ပေးနေကြသည့် MAP foundation မှ
ဒါရိုက်တာ Ms. Jackie Pollod၊ ထိုင်းနိုင်ငံ လူ့အခွင့်ရေး စောင့်ကြည့်လေ့လာရေးတာဝန်ခံ Mr. Sunai Phasuk နှင့် ပညာရေးနှင့်ဖွံ့ ဖြိုးတိုးတက်ရေး ဖောင်ဒေးရှင်းမှ အမှုဆောင် ဒါရိုက်တာ ဦးထူးချစ်တို့ တက်ရောက်ပြောကြားခဲ့သည်။
“ရွှေ့ပြောင်း အလုပ်သမားတွေဟာ နေ့စဉ်နဲ့အမျှ ထိုင်းနိုင်ငံတွင်းမှာ လူ့အခွင့်ရေး ချိုးဖေါက်ခံနေကြရတယ်၊ ထိုင်းနိုင်ငံရဲ့ စီးပွားရေး ဖွံ့ဖြိုး တိုးတက်မှုဟာ ရွှေ့ပြောင်း အလုပ်သမားတွေရဲ့ အပေါ်မှာ အများကြီး မူတည်ပါတယ်။ သူတို့တွေအတွက် အခြေခံ အလုပ်သမား အခွင့်အရေး၊ အခြေခံ လုပ်အားခအပြင် ထိုင်းအစိုးရ အနေနဲ့ သူတို့ရဲ့ အခွင့်အရေးတွေကို စနစ်တကျ ကာကွယ် ပေးသင့်တယ်”ဟု Mr. Sunai Phasuk က ပြောကြားခဲ့သည်။
ဇန်န၀ါရီလ (၂၉) ရက်နေ့က လူ့အခွင့်ရေး စောင့်ကြည့် လေ့လာရေးအဖွဲ့အနေဖြင့် ထိုင်းဝန်ကြီးချုပ်ထံသို့ လိပ်မူ၍ ရွှေ့ပြောင်း အလုပ်သမားများ၏ လူ့အခွင့်အရေး အခြေအနေများကို အိပ်ဖွင့်ပေးစာဖြင့် တင်ပြခဲ့ပြီး ဖြစ်သည်။
“ကျနော်တို့ မြန်မာရွှေ့ပြောင်း အလုပ်သမားတွေကို၊ ထိုင်းလူမျိူးတွေ၊ ထိုင်းအာဏာပိုင်တွေကသာ အနိုင်ကျင့် စော်ကားနေတာ မဟုတ်ဘဲ၊ ကျနော်တို့ မြန်မာလူမျိုးအချင်းချင်းကလည်း တစ်ချို့နေရာတွေမှာ အနိုင်ကျင့် စော်ကားတာတွေ တွေ့ရတယ်။ အဓိက ကတော့ သူတို့တွေကို ထိုင်းအစိုးအနေနဲ့ တိတိကျကျ မှန်မှန်ကန်ကန် ကာကွယ်ပေးမှုတွေ မရှိသေးလို့ ဖြစ်တယ်။ သူတို့ရဲ့ အခွင့်အရေးတွေကို ထိုင်းအစိုးရရော၊ မြန်မာအစိုးရ အနေနဲ့ပါ ထိထိရောက်ရောက် အကာအကွယ်ပေးသင့်တယ်” ဟု ဦးထူးချစ်မှ ပြောကြားခဲ့သည်။
အဆိုပါ အစဉ်ရင်ခံစာသည် စာမျက်နှာ(၁၂၀) ကျော် ပါဝင်ပြီး လူ့အခွင့်အရေး ချိုးဖေါက်ခံရသည့် ရွှေ့ပြောင်း အလုပ်သမား(၈၀) ကျော်အား လူတွေ့ မေးမြန်းထားသည့် အချက်အလက်များကို အခြေခံပြီး ရေးသားထားကြောင်း သိရှိရသည်။
|
|
